ՀՀ դեսպանն ու Սլովակիայի նախագահը քննարկել են երկկողմ հարաբերությունների ամրապնդմանը վերաբերող հարցեր
1 րոպեի ընթերցում
Սլովակիայում հավատարմագրված դիվանագիտական առաքելությունների ղեկավարների տարեկան հանդիպման շրջանակներում փետրվարի 3-ին Ավստրիայում, Շվեյցարիայում և Սլովակիայում Հայաստանի Հանրապետության դեսպան Անդրանիկ Հովհաննիսյանը կարճատև զրույց է ունեցել Սլովակիայի նախագահ Պետեր Պելեգրինիի հետ։
«Արմենպրես»-ի հաղորդմամբ՝ այս մասին հայտնում են Ավստրիայում ՀՀ դեսպանությունից։
Նշվում է, որ զրույցի ընթացքում դեսպան Անդրանիկ Հովհաննիսյանը վերահաստատել է Հայաստանի հանձնառությունը՝ առավել ամրապնդելու Հայաստան-Սլովակիա հարաբերությունները: