1 րոպեի ընթերցում
Ռուսաստանում կանադական վիզայի դիմումների կենտրոնները դադարեցրել են վիզայի դիմումների ընդունումը հունվարի 28-ից։ Այդ մասին տեղեկացնում է «Արմենպրես»-ը՝ վկայակոչելով Deutsche Welle-ն։
«Ռուսաստանում վիզայի կենտրոնները շարունակում են բաց մնալ, բայց այլևս չեն ընդունում անձնագրեր կամ վիզայի դիմումների համար նախատեսված փաստաթղթեր»,- ասված է հաղորդագրության մեջ:
Որոշման պատճառները չեն բացատրվում: Այնուամենայնիվ Կանադայի կառավարությունը խորհուրդ է տալիս, որ Ռուսաստանի քաղաքացիները մուտքի թույլտվությունների համար դիմեն Ռուսաստանից դուրս գտնվող վիզայի կենտրոններ:
Ռուսաստանում Կանադայի վիզայի դիմումի կենտրոններ են գործում Մոսկվայում, Սանկտ Պետերբուրգում, Նովոսիբիրսկում, Դոնի Ռոստովում և Եկատերինբուրգում: