1 րոպեի ընթերցում
Եվրամիության երկրները համերաշխություն են ցուցաբերել Գրենլանդիային և Դանիային և պլանավորում են ավելացնել ներդրումները կղզու տարածքում: «Արմենպրես»-ի փոխանցմամբ՝ այս մասին հայտարարել է Եվրահանձնաժողովի նախագահ Ուրսուլա ֆոն դեր Լայենը։
«Եվրոպան հաստատուն և միասնական կերպով համերաշխություն է հայտնել Գրենլանդիային և Դանիայի Թագավորությանը։ Արկտիկայում անվտանգության ապահովման աշխատանքները շարունակվում են։ Մենք կավելացնենք ներդրումները Գրենլանդիայում և արկտիկական պայմաններին պատրաստ սարքավորումների մեջ», - գրել է ֆոն դեր Լայենը X սոցիալական ցանցում։
Բացի այդ, նրա խոսքով, ԵՄ-ն կխորացնի անվտանգության բնագավառում տարածաշրջանի գործընկերների հետ համագործակցությունը։