368.52
ՆԱՏՕ-ի գլխավոր քարտուղարը կհանդիպի Դանիայի պաշտպանության և Գրենլանդիայի ԱԳ նախարարների հետ
1 րոպեի ընթերցում
ՆԱՏՕ-ի գլխավոր քարտուղար Մարկ Ռյուտեն հունվարի 19-ին Բրյուսելում դաշինքի կենտրոնակայանում կհանդիպի Դանիայի պաշտպանության և Գրենլանդիայի արտաքին գործերի նախարարների հետ։
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին հայտնել են ՆԱՏՕ-ի մամուլի ծառայությունից։
«Երկուշաբթի՝ հունվարի 19-ին, ՆԱՏՕ-ի գլխավոր քարտուղար Մարկ Ռյուտեն Բրյուսելում ՆԱՏՕ-ի կենտրոնակայանում կհանդիպի Դանիայի պաշտպանության նախարար Տրոլս Լունդ Պոուլսենի և Գրենլանդիայի արտաքին գործերի նախարար Վիվիան Մոտցֆելդտի հետ։ Մամուլի հետ շփում նախատեսված չէ», - ասված է հաղորդագրության մեջ՝ առանց բացահայտելու հանդիպման թեման։
Ավելի վաղ՝ Ռյուտեն հայտարարել էր Գրենլանդիայի անվտանգության ամրապնդման վերաբերյալ ՆԱՏՕ-ի խորհրդակցությունների շարքի մասին։
Բաժանորդագրվեք մեր ալիքին Telegram-ում