368.53
Հունաստանում ՀՀ դեսպան Տիգրան Մկրտչյանը ընդունել է ԵՊՀ Ուսանողական գիտական ընկերության ներկայացուցիչներին
1 րոպեի ընթերցում
Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հունվարի 5-ին ընդունել է Երևանի պետական համալսարանի Ուսանողական գիտական ընկերության ներկայացուցիչներին` ԵՊՀ ՈւԳԸ նախագահ Սիրանուշ Բաղումյանի գլխավորությամբ։
«Արմենպրես»-ի փոխանցմամբ՝ այս մասին հայտնում են Հունաստանում Հայաստանի Հանրապետության դեսպանատնից՝ նշելով, որ դեսպան Մկրտչյանը Հունաստանում ճանաչողական այցով գտնվող հայաստանցի ուսանողներին ներկայացրել է դեսպանության գործունեության հիմնական ուղղությունները։
Մասնավորապես դեսպանը մանրամասնել է Հայաստանի և Հունաստանի միջև մշակույթի և կրթական ոլորտներում առկա փոխգործակցությունը, տարբեր ԲՈՒՀ-երի միջև գործող և հեռանկարային համագործակցության ծրագրերը։
Քննարկվել են նաև երկու երկրների ԲՈւՀ-երի համագործակցության համատեքստում երիտասարդական կառույցների միջև շփումների հաստատման, փորձի փոխանակման և փոխադարձ այցելությունների կազմակերպման հնարավորությունները։
Դեսպանը ներկայացրել է դեսպանության և Հունաստանում հայկական համայնքային կառույցների միջև առկա համագործակցության առանձնահատկությունները։
Բաժանորդագրվեք մեր ալիքին Telegram-ում