1 րոպեի ընթերցում
Իրանի արտաքին գործերի նախարար Աբբաս Արաղչին հեռախոսազրույց է անցկացրել Արաբական Միացյալ Էմիրությունների ԱԳ նախարար Շեյխ Աբդուլլահ բին Զայեդ Ալ Նահյանի հետ։
«Արմենպրես»-ի փոխանցմամբ՝ այս մասին հայտնում է իրանական IRNA գործակալությունը՝ ներկայացնելով հեռախոսազրույցի բովանդակությունը։
Նշվում է, որ զրուցակիցները քննարկել են երկկողմ հարաբերությունները և տարածաշրջանային զարգացումները, այդ թվում՝ Եմենում։
«Արաղչին և Ալ Նահյանը գոհունակություն են հայտնել երկու երկրների միջև զարգացող հարաբերություններից և ընդգծել են փոխադարձ հետաքրքրություն ներկայացնող հարցերի հետապնդումը»,-նշել է լրատվականը։
Երկու դիվանագետներն էլ ընդգծել են տարածաշրջանի երկրների կողմից Եմենում կայունությունը ամրապնդելու և տարածաշրջանում խաղաղությունը պաշտպանելու ջանքերը ակտիվացնելու անհրաժեշտությունը։