368.44
Նիկոլ Փաշինյանը հայտնել է, թե որ եկեղեցում է պատարագի մասնակցելու դեկտեմբերի 28-ին
1 րոպեի ընթերցում
Հայաստանի վարչապետ Նիկոլ Փաշինյանը դեկտեմբերի 28-ին պատարագի կմասնակցի Գառնիի Սուրբ Աստվածածին եկեղեցում։
«Արմենպրես»-ի փոխանցմամբ՝ վարչապետ Նիկոլ Փաշինյանն այդ մասին հայտնեց ՀՀ կառավարության նիստից հետո լրագրողների հետ ճեպազրույցում՝ անդրադառնալով հարցին, թե պատրաստվո՞ւմ է արդյոք դեկտեմբերի 28-ին պատարագի մասնակցել Մայր Աթոռում, ինչի վերաբերյալ օրեր առաջ մամուլում հրապարակում է եղել։
«Պատարագի պատրաստվում եմ մասնակցել Գառնիի Սուրբ Աստվածածին եկեղեցում»,- նշեց վարչապետը։
ՀՀ վարչապետ Նիկոլ Փաշինյանը տևական ժամանակ է, ինչ պատարագների է մասնակցում հանրապետության տարբեր բնակավայրերի եկեղեցիներում։ Նա հայտարարել է, որ պատարագներին մասնակցում է Հայ Առաքելական եկեղեցու բարենորոգման օրակարգի շրջանակներում, որը որդեգրել է որպես Հայ Առաքելական եկեղեցու հետևորդ։
Բաժանորդագրվեք մեր ալիքին Telegram-ում