368.59
Ուկրաինայի շուրջ բանակցություններում քննարկվում է 4 փաստաթուղթ. ՄԱԿ-ում ԱՄՆ դեսպան
2 րոպեի ընթերցում
Ուկրաինայի շուրջ բանակցություններում կողմերը ներկայում քննարկում են չորս փաստաթուղթ, և Վաշինգտոնը փորձում է հասկանալ, թե ինչի է պատրաստ համաձայնել Մոսկվան պատերազմը դադարեցնելու համար։ «Արմենպրես»-ի փոխանցմամբ՝ Fox News-ին տված հարցազրույցում այս մասին հայտարարել է ՆԱՏՕ-ում ԱՄՆ դեսպան Մեթյու Ուիթաքերը։
«Սա 20 կետից բաղկացած խաղաղության ծրագիր է, ինչպես նաև որոշակի բազմակողմանի անվտանգության երաշխիքներ, ԱՄՆ-ի կողմից անվտանգության երաշխիքներ և տնտեսական աճի և բարգավաճման ծրագիր՝ խաղաղության հաստատումից հետո», - ասել է նա։
Ըստ Ուիթաքերի՝ Վաշինգտոնն այժմ լավ հասկանում է, թե ինչ է ուզում Ուկրաինան, և ԱՄՆ-ում փորձում են հասկանալ, թե առավելագույնը ինչի է պատրաստ գնալ Ռուսաստանը։
«Նրանք շարունակում են գիշերը զանգվածային հարվածներ հասցնել Ուկրաինային։ Այսինքն, սա որոշ չափով շատ բանի մասին է խոսում», - ասել է Ուիթաքերը։
Դեկտեմբերի 20-ին և 21-ին ամերիկյան կողմը Ֆլորիդայում առանձին բանակցություններ է վարել ուկրաինական և ռուսական պատվիրակությունների հետ։ Տեղի են ունեցել նաև եռակողմ բանակցություններ եվրոպացի պաշտոնյաների մասնակցությամբ։ ԱՄՆ նախագահի հատուկ բանագնաց Սթիվ Ուիթքոֆը բանակցություններն անվանել է կառուցողական և արդյունավետ։
Բաժանորդագրվեք մեր ալիքին Telegram-ում