Հունաստանում ՀՀ դեսպանը «Ստրաբոն» ընկերության ղեկավարության հետ քննարկել է Հայաստան-Հունաստան համագործակցությունը

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը ընդունել է«Ստրաբոն» աշխարհագրական ուսումնասիրությունների հունական ընկերության նախագահ, արտակարգ և լիազոր դեսպան Ջորջ Պուկամիսասին և քարտուղար, Աթենքի համալսարանի պրոֆեսոր Էմանուել Յանակուդակիսին։

«Արմենպրես»-ի փոխանցմամբ՝ այս մասին հայտնում են Հունաստանում Հայաստանի Հանրապետության դեսպանատնից:

Դեսպանատնից նշում են, որ հանդիպմանը դեսպան Մկրտչյանը ներկայացրել է Հայաստանի արտաքին քաղաքական վերջին զարգացումները, տարածաշրջանային գործընթացները։ Միաժամանակ անդրադարձ է կատարվել գիտակրթական ոլորտում Հայաստան-Հունաստան համագործակցությանը: