368.59
Ուշակովն ապակառուցողական է որակել ուկրաինական պատերազմի դադարեցման հարցով Կիևի և Եվրոպայի առաջարկները
1 րոպեի ընթերցում
Ուկրաինական պատերազմի դադարեցման վերաբերյալ ամերիկյան ծրագրում Եվրոպայի և Ուկրաինայի կողմից առաջարկվող փոփոխությունները չեն բարելավում առկա փաստաթուղթը և խոչընդոտում են երկարատև խաղաղության հաստատմանը: Ինչպես «Արմենպրես»-ը տեղեկանում է «Ինտերֆաքս» գործակալությունից, այդ մասին հայտարարել է ՌԴ նախագահի օգնական Յուրի Ուշակովը։
«Սա կանխատեսում չէ։ Ես վստահ եմ, որ այն առաջարկները, որոնք եվրոպացիներն ուկրաինացիների հետ ներկայացրել կամ փորձում են ներկայացնել, միանշանակ չեն բարելավում փաստաթուղթը և չեն բարելավում երկարատև խաղաղության հասնելու հնարավորությունը», - ասել է Ուշակովը։
Հարցին, թե տեղեկություն ունի արդյոք Ռուսաստանի նախագահի հատուկ բանագնաց Կիրիլ Դմիտրիևի՝ Մայամիում ԱՄՆ-ի ներկայացուցիչների հետ հանդիպումների ընթացքի մասին, նա բացասական պատասխան է տվել։
Ռուսաստանի Դաշնության նախագահի հատուկ ներկայացուցիչ Կիրիլ Դմիտրիևը դեկտեմբերի 21-ին ավարտել է ԱՄՆ-ի հետ ուկրաինական կարգավորման հարցով երկօրյա բանակցությունները, որոնք տեղի էին ունենում Մայամիում:
Ամերիկյան կողմից հանդիպմանը մասնակցել են ԱՄՆ նախագահի հատուկ ներկայացուցիչ Սթիվեն Ուիթկոֆը և Թրամփի փեսան՝ ձեռնարկատեր Ջարեդ Քուշները:
Բաժանորդագրվեք մեր ալիքին Telegram-ում