Ուիթքոֆն արդյունավետ է անվանել Ուկրաինայի հարցով բանակցությունները Ֆլորիդայում

ԱՄՆ նախագահի հատուկ բանագնաց Սթիվ Ուիթքոֆն արդյունավետ է անվանել Ուկրաինայում պատերազմի դադարեցման հարցով Ֆլորիդայում վերջին օրերի բանակցությունները ամերիկյան, եվրոպական և ուկրաինական պատվիրակությունների միջև։ 

Over the last two days in Florida, the Russian Special Envoy Kirill Dmitriev held productive and constructive meetings with the American delegation to advance President Trump’s peace plan on Ukraine.

The American delegation included Special Envoy Steve Witkoff, Jared Kushner,…

— Special Envoy Steve Witkoff (@SEPeaceMissions) December 21, 2025

Ինչպես հաղորդում է «Արմենպրես»-ը՝ վկայակոչելով Reuters-ը, դեկտեմբերի 21-ին Ռուսաստանի նախագահի հատուկ ներկայացուցիչ Կիրիլ Դմիտրիևի հետ հանդիպումից հետո Ուիթքոֆը և ԱՄՆ նախագահ Դոնալդ Թրամփի խորհրդական Ջարեդ Քուշները դեկտեմբերի 22-ին հանդիպել են Ուկրաինայից և Եվրոպայից ժամանած պաշտոնյաների հետ, ապա արդեն առանձին հանդիպում են ունեցել ուկրաինական պատվիրակության հետ, որը ղեկավարել է Ռուստեմ Ումերովը։

Ուիթքոֆը X-ում արած գրառման մեջ ինչպես ուկրաինական, այնպես էլ ավելի վաղ ռուսական կողմի հետ բանակցություններն անվանել է «արդյունավետ և կառուցողական»։ «Ռուսաստանն ամբողջությամբ հանձնառու է՝ հասնելու Ուկրաինայում խաղաղության հաստատմանը։ Ռուսաստանը բարձր է գնահատում ԱՄՆ ջանքերն ու աջակցությունը՝ կարգավորելու ուկրաինական հակամարտությունն ու վերահաստատելու համաշխարհային անվտանգությունը»,- հավելել է նա։