368.52
Հանրային կապերի և տեղեկատվության կենտրոնը շնորհավորել է «Արմենպրես»–ի տարեդարձը
1 րոպեի ընթերցում
ՀՀ վարչապետի աշխատակազմի Հանրային կապերի և տեղեկատվության կենտրոնը շնորհավորել է «Արմենպրես» պետական լրատվական գործակալությանը հիմնադրման 107-ամյակի կապակցությամբ։
«Ավելի քան մեկ դար «Արմենպրես»-ը եղել և մնում է վստահելի տեղեկատվության աղբյուր՝ ձևավորելով հանրային խոսքի բարձր չափանիշներ, պահպանելով մասնագիտական պատասխանատվությունն ու պետական մտածողությունը։
Գործակալության հարուստ պատմությունը, մեկդարյա համբավը, ինչպես նաև բացառիկ արխիվային և վիզուալ բազան կարևոր դեր են ունեցել Հայաստանի նորագույն պատմության փաստագրման և հանրային հիշողության պահպանման գործում։
Մենք բարձր ենք գնահատում տարիների ընթացքում ձևավորված արդյունավետ և փոխվստահության վրա հիմնված համագործակցությունը և վստահ ենք, որ այն կշարունակվի՝ ի նպաստ հանրության իրազեկվածության և պետական հաղորդակցության զարգացման։
Մաղթում ենք «Արմենպրեսին» շարունակական զարգացում և մասնագիտական նոր հաջողություններ»,- նշված է շնորհավորական ուղերձում։
Բաժանորդագրվեք մեր ալիքին Telegram-ում