Պահպանողական Կաստը հաղթել է Չիլիի նախագահական ընտրություններում

Ընդդիմադիր պահպանողական քաղաքական գործիչ Խոսե Անտոնիո Կաստը հաղթել է Չիլիի նախագահի ընտրությունների երկրորդ փուլում: Այդ մասին են վկայում այն արդյունքները, որոնք  հրապարակել է երկրի ընտրական ծառայությունն ընտրատեղամասերի 83,43%-ից ստացված ձայների հաշվարկից հետո:

«Արմենպրես»-ի փոխանցմամբ՝ Կաստի օգտին է քվեարկել ընտրողների 58,61%-ը: Նրա մրցակիցը՝ Ժանետ Խարան, որը ներկայացնում է կառավարող «Միասնություն Չիլիի համար» ձախակենտրոն կոալիցիան, ստացել է 41,39%: Նա արդեն ընդունել է պարտությունը և շնորհավորել Կաստին հաղթանակի առթիվ:

Կաստը հանդես է գալիս տնտեսության մեջ կառավարության միջամտության կրճատման և հանցավորության և անօրինական միգրացիայի դեմ պայքարի ավելի խիստ միջոցների օգտին: Նա խոստանում է իջեցնել կորպորացիաների շահույթի հարկերի դրույքաչափը, կրճատել պետական ​​ծախսերը և արգելափակոցներ կառուցել Բոլիվիայի հետ սահմանին: 

Կաստը կդառնա Չիլիի նախագահի պաշտոնում առաջին ծայրահեղ պահպանողական քաղաքական գործիչը՝ գեներալ Աուգուստո Պինոչետի զինվորական վարչակարգի ժամանակներից ի վեր։ 

Չիլիի ընտրված նախագահը պաշտոնը կստանձնի 2026 թվականի մարտի 11-ին՝ չորս տարի ժամկետով: