ՀՀ ԱԳ փոխնախարարը հանդիպել է Բենիլյուքսի երկրների ԱԳՆ քաղաքական տնօրենների հետ

Հայաստանի Հանրապետության արտաքին գործերի փոխնախարար Վահան Կոստանյանը հանդիպում է ունեցել Բելգիայի, Նիդեռլանդների և Լյուքսեմբուրգի ԱԳ նախարարությունների քաղաքական տնօրենների հետ։

«Արմենպրես»-ի փոխանցմամբ՝ այս մասին Վահան Կոստանյանը նշել է X-ի իր միկրոբլոգում կատարած գրառման մեջ։

Pleasure to meet the Political Directors of the Benelux Foreign Ministries.

We discussed a wide range of issues, including the further institutionalization of the peace established between Armenia and Azerbaijan, the Armenia-EU partnership and Armenia’s democratic resilience. pic.twitter.com/Dvju6Ml3Eh

— Vahan Kostanyan (@VahanKostanyan) December 11, 2025

«Հաճելի հանդիպում ունեցա Բենիլյուքսի (Բելգիա, Նիդեռլանդներ, Լյուքսեմբուրգ) արտաքին գործերի նախարարությունների քաղաքական տնօրենների հետ։ Մենք քննարկեցինք հարցերի լայն շրջանակ, այդ թվում՝ Հայաստանի և Ադրբեջանի միջև հաստատված խաղաղության հետագա ինստիտուցիոնալացումը, Հայաստան-ԵՄ գործընկերությունը և Հայաստանի ժողովրդավարական դիմադրողականությունը»,-գրել է Կոստանյանը։