1 րոպեի ընթերցում
ԱՄՆ նախագահ Դոնալդ Թրամփը հայտարարել է, որ իրեն հաջողվել է Չինաստանի հետ լուրջ առևտրային պայմանավորվածությունների հասնել, և հույս է հայտնել, որ համաձայնագիրը կստորագրվի ոչ հեռու ապագայում։
«Արմենպրես»-ի փոխանցմամբ՝ Թրամփն այդ մասին հայտարարել է Փենսիլվանիայում տնտեսության վերաբերյալ ունեցած ելույթում։
«Մենք շատ կարևոր գործարքներ ենք կնքել Չինաստանի հետ», - ասել է Թրամփը։
Միացյալ Նահանգների նախագահը խոստովանել է, որ Չինաստանի հետ առևտրային համաձայնագիր դեռ չի ստորագրվել, բայց վստահեցրել է, որ այն կստորագրվի բավականին շուտ։