Ճապոնիան քննարկում է 2027 թվականին եկամտային հարկի բարձրացման հնարավորությունը պաշտպանական ծախսերի աճը ծածկելու համար
1 րոպեի ընթերցում
Ճապոնիայի իշխող Լիբերալ-դեմոկրատական կուսակցությունը՝ վարչապետ Սանաե Տակաիչիի գլխավորությամբ, քննարկում է 2027 թվականի հունվարին երկրի եկամտային հարկը բարձրացնելու հնարավորությունը՝ պաշտպանական ծախսերի զգալի աճի մի մասը ծածկելու նպատակով։ «Արմենպրես»-ի փոխանցմամբ՝ այս մասին հայտնում է Japan Today-ը։
Նախքան հոկտեմբերին Տակաիչիի վարչապետ դառնալը, Ճապոնիան որոշել էր մինչև 2028 թվականի մարտը հինգ տարվա ընթացքում պաշտպանության հետ կապված ծախսերը հասցնել, ընդհանուր առմամբ, 43 տրիլիոն իենի (մոտ 280 միլիարդ ԱՄՆ դոլար)՝ անվտանգության աճող սպառնալիքներին դիմակայելու համար։
Աճը մասամբ կֆինանսավորվի կորպորատիվ, ծխախոտային և եկամտային հարկերի բարձրացման միջոցով, սակայն դեռևս մանրամասներ չեն մշակվել եկամտային հարկի բարձրացման ժամկետների վերաբերյալ։
Միայն երեք հարկային կատեգորիաների բարձրացման միջոցով կառավարությունը մտադիր է տարեկան ապահովել շուրջ 1 տրիլիոն իեն (6,5 միլիարդ ԱՄՆ դոլար) մինչև 2028 թվականի մարտի վերջը։