Նիգերիայում արտակարգ դրություն է հայտարարվել մարդկանց զանգվածային առևանգումների պատճառով

Նիգերիայի նախագահ Բոլա Տինուբուն երկրում արտակարգ դրություն է հայտարարել անվտանգային իրավիճակի վատթարացման պատճառով, որն ուղեկցվում է ծայրահեղականների կողմից բնակիչների զանգվածային առևանգումներով: Ինչպես հաղորդում է «Արմենպրես»-ը, այս մասին հայտնում է Reuters-ը։

«Անվտանգության բնագավառում իրավիճակի վատթարացման պատճառով ես որոշում եմ ընդունել արտակարգ դրության ռեժիմ սահմանել և հրաման տալ Նիգերիայի զինված ուժերում լրացուցիչ զորակոչի մասին», - հայտարարել է Տինուբուն։

ԶԼՄ-ների տվյալներով, շաբաթվա ընթացքում երկրի տարբեր մասերում ծայրահեղականներն առևանգել են 315 դպրոցականի և ուսուցչի, ինչպես նաև տասնյակ այլ քաղաքացիների։ Նրանց մի մասին հաջողվել է փախչել, բայց հայտնի չէ 265 երեխայի ու նրանց ուսուցիչների ճակատագիրը։

2000-ականների սկզբից Նիգերիայի տարածքում գործում է «Բոկո Հարամ» ահաբեկչական կազմակերպությունը, որը պարբերաբար առևանգումներ է իրականացնում, որոնց թիրախում հաճախ քրիստոնյաներն են։ 

Ավելի վաղ ԱՄՆ-ի նախագահ Դոնալդ Թրամփը հայտարարել էր, որ Պենտագոնին հանձնարարել է ուժային գործողությունների պատրաստվել Նիգերիայում քրիստոնյաներին պաշտպանելու համար։