366.68
Վահան Կոստանյանն ու Էդեն Բար Թալն անդրադարձել են Հայաստան–Իսրայել համագործակցության հնարավորություններին
1 րոպեի ընթերցում
Հայաստանի արտաքին գործերի նախարարի տեղակալ Վահան Կոստանյանը նոյեմբերի 26-ին Երուսաղեմում հանդիպել է Իսրայելի ԱԳ նախարարության գլխավոր տնօրեն Էդեն Բար Թալի հետ:
«Արմենպրես»–ի փոխանցմամբ՝ ՀՀ ԱԳՆ–ի տարածած հաղորդագրության մեջ նշվում է, որ հանդիպման ընթացքում երկուստեք ընդգծվել է առկա պատրաստակամությունն՝ աշխատանքներ տանելու Հայաստանի և Իսրայելի միջև հարաբերություններն ակտիվացնելու ուղղությամբ, այդ թվում՝ քաղաքական և տնտեսական ոլորտներում։
Կողմերը մտքեր են փոխանակել նաև Հարավային Կովկասում և Մերձավոր Արևելքում ընթացող գործընթացների վերաբերյալ:
Այցի ընթացքում տեղի են ունեցել նաև Հայաստանի և Իսրայելի ԱԳ նախարարությունների միջև 12-րդ քաղաքական խորհրդակցությունները:
Հանգամանալից անդրադարձել են երկկողմ և բազմակողմ հարթակներում համագործակցության հնարավորություններին: Բարձր տեխնոլոգիաների, բժշկության, գյուղատնտեսության և զբոսաշրջության ոլորտներն առանձնանշվել են որպես երկկողմ հետաքրքրություն ներկայացնող, փոխգործակցության առավել մեծ ներուժ ունեցող ուղղություններ:
Բաժանորդագրվեք մեր ալիքին Telegram-ում