1 րոպեի ընթերցում
Գերմանիայի Բադեն-Վյուրտեմբերգ երկրամասում դպրոցական ավտոբուսի և մեքենայի միջև տեղի ունեցած վթարի հետևանքով վիրավորվել է 66 երեխա։
«Երեքշաբթի առավոտյան Բրայսգաու շրջանի Մարչ համայնքում լարված իրավիճակ է ստեղծվել. մեքենայի վարորդը, ենթադրաբար, չի զիջել ավտոբուսին։ Ավտոբուսի վարորդը սեղմել է արգելակները։ Նրա հետևում նստած վաթսունվեց երեխա վիրավորվել է»,-«Արմենպրես»-ի փոխանցմամբ՝ այս մասին հայտնում է Bild թերթը։
Թերթը, հղում անելով Բրայսգաուի ոստիկանապետ Յակոբ Վյոլֆլեին, նշում է, որ երեխաներից ոչ մեկը լուրջ վնասվածքներ չի ստացել։ Նրանք կապտուկներ և քերծվածքներ են ստացել, իսկ ոմանք նաև պարզապես գանգատվել են գլխացավից։