Եթովպիայում 11 հազար տարվա մեջ առաջին անգամ արթնացել է քնած Հեյլի Գուբբի հրաբուխը

Եթովպիայում ավելի քան 11 հազար տարի անց արթնացել է Հեյլի Գուբբի հրաբուխը։ Ինչպես հաղորդում է «Արմենպրես»-ը, այս մասին հայտնում է VolcanoDiscovery կայքը։

Հրաբուխը Աֆար շրջանի լեռնաշղթայի մի մասն է և գտնվում է Էրտալե գործող հրաբխից մոտավորապես 15 կիլոմետր հարավ-արևելք։

Արբանյակային տվյալների համաձայն՝ ժայթքումը սկսվել է նոյեմբերի 23-ին և ուղեկցվել է շուրջ 10-15 կիլոմետր բարձրացած հզոր մոխրի սյան արտանետմամբ։ 

Ականատեսների խոսքով՝ ժայթքմանը ուղեկցող պայթյունը անսովոր հզոր էր և՛ իր հզորությամբ, և՛ ձայնով։

Հրաբխագետ Սայմոն Քարնը սոցիալական ցանցում հայտնել է, որ սա Հեյլի Գուբբիի առաջին ժայթքումն է վերջին ավելի քան 11,000 տարվա ընթացքում։