1 րոպեի ընթերցում
Ավտոգազալիցքավորման ծառայություն մատուցող ընկերության կողմից պետությանը պատճառված 123 միլիոն 335 հազար 339 դրամ վնասն ամբողջությամբ վերականգնվել է։ «Արմենպրես»-ի հաղորդմամբ՝ այս հայտնում է Քննչական կոմիտեն։
Ընկերության կողմից իրական շրջանառության թաքցման դեպքով քննվող քրեական վարույթի ընթացքում ստացվել են համապատասխան փաստական տվյալներ։
Ըստ մարմնի հաղորդագրության՝ նախաքննությամբ պարզվել է, որ ընկերությունը հարկային պարտավորություններից խուսափելու նպատակով հաշվետվություններում խեղաթյուրել է հարկման ենթակա տվյալները՝ թաքցնելով իրական շրջանառությունը։
Քրեական վարույթի շրջանակում իրականացված վարութային և ապացուցողական գործողությունների արդյունքում ընկերությունը փոխհատուցել է պետությանը հասցված ամբողջ վնասը։ Նախաքննությունը շարունակվում է։