ԱՄՆ-ն հույս ունի նոյեմբերին Չինաստանի հետ կնքել հազվագյուտ հողային մետաղների շուրջ համաձայնագիրը

ԱՄՆ-ի ֆինանսների նախարար Սքոթ Բեսենթը հույս ունի, որ Վաշինգտոնը նոյեմբերի վերջին Չինաստանի հետ կկնքի հազվագյուտ հողային մետաղների շուրջ համաձայնագիրը։ 

«Մենք դեռ նույնիսկ վերջնական պայմանավորվածությունների չենք հասել, բայց հույս ունենք դա անել մինչև Գոհաբանության օրը (խմբ․- նոյեմբերի 27)», - «Արմենպրես»-ի փոխանցմամբ, Բեսենթն ասել է Fox News հեռուստաալիքի եթերում։

Հոկտեմբերի 30-ին Հարավային Կորեայում տեղի էր ունեցել ԱՄՆ-ի նախագահ Դոնալդ Թրամփի և Չինաստանի նախագահ Սի Ծինփինի հանդիպումը։ Դրանից հետո Սպիտակ տան ղեկավարը հայտարարել էր, թե խնդիրը, որը կապված է Չինաստանի կողմից հազվագյուտ հողային մետաղների մատակարարումների հետ, լուծվել է բանակցությունների ընթացքում։