Արմավիր քաղաքում պայթել է «GAZelle» մակնիշի բեռնատարի գազաբալոնը․ կա տուժած

Արմավիրի մարզային փրկարարական վարչության ճգնաժամային կառավարման կենտրոն նոյեմբերի 11-ին ժամը 16։14-ին ահազանգ է ստացվել, որ Արմավիր քաղաքի Երևանյան փողոցի վերջնամասում՝ գազալցակայանում, պայթել է բեռնատար ավտոմեքենա։

«Արմենպրես»-ի փոխանցմամբ՝ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Ըստ նախնական տվյալների՝ պայթել է «GAZelle» մակնիշի բեռնատարի գազաբալոնը․ կա տուժած։