Վրաց-ադրբեջանական սահմանի մոտ թուրքական ռազմական ինքնաթիռ է կործանվել

Վրաստանի և Ադրբեջանի սահմանի մոտակայքում նոյեմբերի 11-ին վթարի է ենթարկվել ռազմական ինքնաթիռ, որը պատկանում է Թուրքիային։ «Արմենպրես»-ի փոխանցմամբ՝ այս մասին հայտնում է վրացական Imedi TV-ն։

Հեռուստաընկերությունը հայտնում է, որ ձեռք է բերել միջադեպի տեսագրությունը և աշխատում է լրացուցիչ մանրամասները ճշտելու ուղղությամբ։

Թուրքիայի պաշտպանության նախարարությունը հաստատել է այս տեղեկությունը։ X հարթակում գրառման մեջ գերատեսչությունը հայտնել է, որ Վրաստանում վթարի է ենթարկվել Ադրբեջանից Թուրքիա ուղևորվող C130 բեռնատար ինքնաթիռը։

«Որոնողափրկարարական աշխատանքները սկսվել են Ադրբեջանի և Վրաստանի իշխանությունների հետ համակարգված», - նշված է գրառման մեջ։