Սուդանում մի քանի օրվա ընթացքում երկու հազար մարդ լքել է տները զինվորականների և արագ արձագանքման ուժերի միջև մարտերի ֆոնին

Մոտ երկու հազար մարդ ստիպված է եղել փախչել կենտրոնական Սուդանի իրենց տներից, որտեղ ակտիվացել են ռազմական գործողությունները Սուդանի զինվորականների և արագ արձագանքման ուժերի միջև: 

Ինչպես հաղորդում է «Արմենպրես»-ը, նոյեմբերի 10-ին հայտնել է Arab news-ը ՝ վկայակոչելով Միգրացիայի միջազգային կազմակերպության տվյալները:

Ըստ աղբյուրի՝ բնակիչները լքում են Հյուսիսային Կորդոֆան նահանգի Բարա քաղաքի մոտակայքում գտնվող քաղաքներն ու գյուղերը: Փախստականները գնում են Խարթումի և Օմդուրմանի ուղղությամբ դեպի արևելք կամ նահանգի հարավ։ Միգրացիայի միջազգային կազմակերպության տեղեկատվության համաձայն, հոկտեմբերի 26-ից նոյեմբերի 9-ը այդ շրջանը ստիպված է եղել լքել 38 հազար 9 հարյուր մարդ։