1 րոպեի ընթերցում
Հարավային Կորեայի հարավարևմտյան ափերի մոտ նոյեմբերի 10-ին չինական ձկնորսական նավ է խորտակվել։ Ինչպես հաղորդում է «Արմենպրես»-ը՝ վկայակոչելով Reuters-ը, նավի վրա գտնվող 11 անձանցից երկուսը փրկվել են անցնող բեռնատար նավի կողմից, 9-ը համարվում են անհետ կորած։
99 տոննա կշռող նավը, ըստ տեղեկությունների, խորտակվել է Հարավային Կորեայի արևմտյան ափերից մոտավորապես 150 կիլոմետր հեռավորության վրա։
Չորս պարեկային նավ և երեք ուղղաթիռ ուղարկվել են դեպքի վայր՝ անհետ կորածներին որոնելու համար։