Վանաձորի «Բոհեմ» կամերային թատրոնի խաղացանկը կհամալրի «Հրաշագործ ծաղիկը» մանկական ներկայացումը
1 րոպեի ընթերցում
Վանաձորի «Բոհեմ» կամերային թատրոնում նոյեմբերի 10-ին առաջնախաղ է սպասվում. բեմ կբարձրանա Մարիա Կլարա Մաչադոյի «Հրաշագործ ծաղիկը» մանկական գունեղ և երաժշտական ներկայացումը։
«Արմենպրես»-ի հաղորդմամբ՝ բեմադրության հեղինակներն են Ժիրայր Գաբրիելյանն ու Հերիքնազ Բաղդասարյանը, երաժշտական ձևավորումն իրականացրել է Լիլիթ Հակոբյանը։
Ներկայացումը պատմում է բուժիչ և կախարդական ծաղկի խորհրդավոր անհետացման մասին, ինչը միավորում է ընտանիքի անդամներին և նրանց հավատարիմ ընկերներին՝ միասին հաղթահարելու բոլոր փորձությունները։ Սա հեքիաթ է սիրո, համերաշխության և բարության ուժի մասին։ «Բոհեմ» կամերային թատրոնի կոլեկտիվը միաժամանակ սկսել է նախապատրաստական աշխատանքներ նաև սպասվող ամանորյա ներկայացման համար։