1 րոպեի ընթերցում
Հայաստանի հակակոռուպցիոն կոմիտեի նախագահ Արթուր Նահապետյանը հոկտեմբերի 28-ին աշխատանքային խորհրդակցություն է անցկացրել Կոմիտեի օպերատիվ-հետախուզական ստորաբաժանումների ղեկավար կազմի և ծառայողների հետ:
Ինչպես «Արմենպրես»-ը տեղեկանում է Հակակոռուպցիոն կոմիտեի տարածած հաղորդագրությունից, Խորհրդակցության շրջանակներում քննարկվել են համապատասխան ստորաբաժանումների գործունեության արդիականացմանը, տեխնիկական վերազինմանն ու արդյունավետությանը վերաբերող որոշ օրակարգային հարցեր։
Աշխատանքային խորհրդակցության ավարտին Կոմիտեի նախագահը օպերատիվ-հետախուզական գործառույթներ իրականացնող ստորաբաժանումների երեք ծառայողների պարգևատրել է մեդալներով՝ օրինականության և իրավակարգի ամրապնդման գործում ներդրած ավանդի, մասնագիտական բարձր պատրաստվածության, բարեխիղճ և արդյունավետ աշխատանքային գործունեություն ծավալելու համար: