1 րոպեի ընթերցում
Իրանը Ռուսաստանի գործընկերն է, և Մոսկվան պատրաստ է ընդլայնելու համագործակցությունը Թեհրանի հետ բոլոր բնագավառներում:
Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը:
«Ռուսաստանն, անկասկած, պատրաստ է ընդլայնելու համագործակցությունն Իրանի հետ բոլոր բնագավառներում: Իրանը մեր գործընկերն է, և մեր հարաբերությունները շատ դինամիկ զարգանում են: Մենք դա կանենք նաև հետագայում», - ասել է Կրեմլի ներկայացուցիչը՝ պատասխանելով համապատասխան հարցին: