368.52
ՇՄ նախարարն ու Համաշխարհային բանկի ներկայացուցիչն անդրադարձել են ՀՀ-ում նախատեսվող COP17-ի կազմակերպման գործընթացին
2 րոպեի ընթերցում
Հայաստանի շրջակա միջավայրի նախարար Համբարձում Մաթևոսյանն Աբու Դաբիում հանդիպել է Համաշխարհային բանկի Կլիմայի փոփոխության խմբի գլոբալ տնօրեն Վալերի Հիքիի հետ:
«Արմենպրես»-ի փոխանցմամբ՝ այս մասին հայտնել է Համբարձում Մաթևոսյանը:
«Հանդիպման ընթացքում քննարկել ենք Հայաստանի Հանրապետության և Համաշխարհային բանկի միջև ընթացիկ ծրագրերն ու համագործակցության նոր հնարավորությունները։ Մասնավորապես, անդրադարձ է կատարվել «RESILAND․ Հայաստանի դիմակայուն լանդշաֆտների ծրագրին»»,-տեղեկացրել է Մաթևոսյանը:
Ծրագիրը նպատակ ունի աջակցել ՀՀ կառավարության կողմից բնապահպանության ոլորտում որդեգրած հանձնառությունների և քաղաքականությունների իրականացմանը՝ ուղղված կենսաբազմազանության պահպանությանը, լքված և տիրազուրկ հանքավայրերի ռեկուլտիվացիային, անտառվերականգնման գործընթացներին և համապատասխան օրենսդրական դաշտի կատարելագործմանը։
«Հանդիպման ընթացքում առանձնահատուկ անդրադարձ կատարեցինք նաև 2026 թվականին Հայաստանում նախատեսվող COP17 համաժողովի նախապատրաստական աշխատանքների կազմակերպման գործընթացին և Համաշխարհային բանկի ներգրավման հնարավոր ուղիներին՝ համաժողովի արդյունավետ անցկացման և կլիմայական օրակարգի առաջմղման նպատակով»,-նշել է նախարարը:
Բաժանորդագրվեք մեր ալիքին Telegram-ում