1 րոպեի ընթերցում
Պերուի կոնգրեսը միաձայն քվեարկել է նախագահ Դինա Բոլուարտեին իմփիչմենթ հայտարարելու օգտին։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։
Օրենսդիրները որոշել են նրան հեռացնել պաշտոնից «բարոյական անկարողության» հիմքերով։ Բոլուարտեին կանչել էին Կոնգրես՝ պաշտպանելու իրեն, սակայն նա չէր եկել։
63-ամյա Դինա Բոլուարտեի հավանության վարկանիշը չափազանց ցածր է՝ 2-4%: Նրան մեղադրում են իր պաշտոնից անօրինական կերպով օգուտ ստանալու, ինչպես նաև իրեն նախորդող նախագահին աջակցող ցուցարարների դեմ բռնի ուժ կիրառելու համար։ Բոլուարտեն հերքում է այս մեղադրանքները։
Բոլուարտեն իշխանության էր եկել 2022 թ. դեկտեմբերին, երբ այդ ժամանակ նախագահ Պեդրո Կաստիլյոն, որի օրոք նա ինքը զբաղեցնում էր փոխնախագահի պաշտոնը, հեռացվեց պաշտոնից և ձերբակալվեց Կոնգրեսը լուծարելու փորձից հետո։