1 րոպեի ընթերցում
ԱՄՆ մաքսային և սահմանային պաշտպանության ծառայության թիմը ժամանել է Հայաստան։ «Արմենպրես»-ի հաղորդմամբ՝ այս մասին հայտնել է Հայաստանում ԱՄՆ դեսպանությունը։
Սեպտեմբերի 29-ից հոկտեմբերի 11-ը ամերիկացի մասնագետները ՀՀ սահմանապահ ուժերի հետ կանցկացնեն կարողությունների գնահատում և կբացահայտեն բարելավման կարիք ունեցող ուղղությունները։ Դրա համար կիրառվելու է «Բացերի/հնարավորությունների վերլուծության գործընթաց» մեթոդաբանությունը, որն արդեն հաջողությամբ կիրառվել է այլ երկրներում։
Դեսպանության հաղորդագրության մեջ նշվում է, որ վերլուծության արդյունքները կօգնեն հստակեցնել ռազմավարական ներդրումներ պահանջող ուղղությունները և կնպաստեն Հայաստանի սահմանների անվտանգության ամրապնդմանը։
«Հպարտ ենք աջակցել այս առաջին քայլին՝ ուղղված «Խաղաղության խաչմերուկ» կարողությունների զարգացման ոլորտում մեր գործընկերության իրագործմանը, որի մասին հուշագիրը ստորագրվեց նախագահ Թրամփի և վարչապետ Փաշինյանի միջև օգոստոսի 8-ին Սպիտակ տանը»,– ընդգծել է դեսպանությունը։