ՀՀ ԱԳ նախարարը և «Կազիմիր Պուլասկի» հիմնադրամի նախագահն անդրադարձել են ԵՄ-ում քաղաքական զարգացումներին և ՀՀ-ԵՄ գործընկերության խորացմանը
1 րոպեի ընթերցում
Վարշավայի անվտանգության ֆորումի մեկնարկին, սեպտեմբերի 29-ին ՀՀ ԱԳ նախարար Արարատ Միրզոյանը հանդիպում է ունեցել Վարշավայի անվտանգության ֆորումի հիմնադիր, «Կազիմիր Պուլասկի» հիմնադրամի նախագահ Զբիգնև Պիսարսկիի հետ։ Զրուցակիցները մտքեր են փոխանակել «Երևանյան երկխոսություն» ֆորումի և Վարշավայի անվտանգության ֆորումի միջև համագործակցության ընդլայնման հնարավորությունների շուրջ։
Ինչպես «Արմենպրես»-ին տեղեկացրին ՀՀ արտաքին գործերի նախարարությունից, անդրադարձ է կատարվել միջազգային իրադրությանը, ԵՄ-ում քաղաքական զարգացումներին, ինչպես նաև ՀՀ-ԵՄ գործընկերության խորացման ակտիվ դինամիկային:
Երկուստեք ընդգծվել է Վաշինգտոնում օգոստոսի 8-ին ձեռք բերված համաձայնությունների կարևորությունը։