1 րոպեի ընթերցում
ԱՄՆ նախագահ Դոնալդ Թրամփը մտադիր է Ճապոնիա մեկնել այս տարվա հոկտեմբերի վերջին: «Արմենպրես»-ի փոխանցմամբ՝ այս մասին հաղորդել է ճապոնական Kyodo գործակալությունը՝ վկայակոչելով Ճապոնիայի կառավարությունում իր աղբյուրներին։
Ըստ գործակալության՝ այցի ստույգ ժամկետները ներկայումս համաձայնեցվում են։ Սպասվում է, որ Թրամփը Ճապոնիա կայցելի Հարավային Կորեա մեկնելու ճանապարհին, որտեղ կմասնակցելու է Ասիա-խաղաղօվկիանոսյան տնտեսական համագործակցության (ԱԽՏՀ) գագաթնաժողովին: Այն տեղի կունենա 2025 թվականի հոկտեմբերի 31-ից նոյեմբերի 1-ը։
Դա կլինի Թրամփի առաջին այցը Ճապոնիա իր նախագահական երկրորդ ժամկետի ընթացքում:
Kyodo-ն հիշեցնում է, որ հոկտեմբերի վերջին Ճապոնիայում արդեն ընտրված կլինի նոր վարչապետ: