1 րոպեի ընթերցում
ՀՀ ՏԿԵ տարածքային կառավարման և ենթակառուցվածքների նախարար Դավիթ Խուդաթյանն ընդունել է Գլենդելի քաղաքապետ Արա Նաջարյանին։
Ինչպես «Արմենպրես»-ին տեղեկացրին ՀՀ ՏԿԵ նախարարությունից, հանդիպման ընթացքում անդրադարձ է կատարվել Կապան-Գլենդել և Գյումրի-Գլենդել միջքաղաքային համագործակցությունների ընթացքին:
Երկուստեք կարևորվել է այդ կապերն ակտիվացնելու և դրանց կենսունակություն հաղորդելու անհրաժեշտությունը։
Քննարկվել են նաև քաղաքային ենթակառուցվածքների բարելավման նպատակով գիտելիքի և փորձի փոխանակման հնարավորությունները։