Պուտինը և Զելենսկին չեն կարող բանակցել առանց ԱՄՆ-ի մասնակցության. Թրամփ

Միացյալ Նահանգների նախագահ Դոնալդ Թրամփը չի բացառել, որ Ռուսաստանի ղեկավար Վլադիմիր Պուտինի և Ուկրաինայի նախագահ Վլադիմիր Զելենսկու միջև բանակցությունները տեղի կունենան «համեմատաբար շուտ»՝ ամերիկյան կողմի մասնակցությամբ։ 

«Կարևոր չէ՝ դուք դա գագաթնաժողով կհամարեք, թե պարզապես հանդիպում, բայց ես, հավանաբար, պետք է խոստովանեմ, որ նրանք (Պուտինն ու Զելենսկին ) այնքան շատ են ատում միմյանց, որ գրեթե չեն կարող խոսել», - «Արմենպրես»-ի փոխանցմամբ, ասել է Թրամփը Սպիտակ տանը հավատարմագրված լրագրողներին։

ԱՄՆ նախագահը հավելել է, որ եռակողմ հանդիպումը կարող է տեղի ունենալ շուտով։