1 րոպեի ընթերցում
Իսրայելական բանակը շուտով լայնածավալ հարձակում կսկսի պաղեստինյան Գազա քաղաքի վրա, և տեղի բնակիչները պետք է անհապաղ լքեն այն։
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին հայտարարել է Իսրայելի վարչապետ Բենիամին Նեթանյահուն, որի տեսաուղերձը տարածել է վարչապետի գրասենյակը։
Նա հիշեցրել է, որ վերջին մի քանի օրերի ընթացքում իսրայելական բանակը Գազայում մի քանի բարձրահարկ շենքեր է ավերել։
«Սա միայն ներածություն է, նախերգանք հիմնական ինտենսիվ գործողության՝ Գազա քաղաքում մեր զորքերի կողմից ցամաքային մանևրի, որի համար նրանք հավաքվում ու պատրաստվում են»,-ասել է նա՝ Գազայի բնակիչներին նախազգուշացնելով դուրս գալ քաղաքից։