367.29
Արևմտյան Աֆրիկայի ափերին նավակի խորտակման հետևանքով զոհվել է առնվազն 70 միգրանտ
1 րոպեի ընթերցում
Արևմտյան Աֆրիկայի ափերի մոտ՝ դեպի Եվրոպա միգրացիոն հայտնի ուղու վրա, միգրանտներ տեղափոխող նավակի խորտակման հետևանքով զոհվել է առնվազն 70 մարդ: «Արմենպրես»-ի փոխանցմամբ՝ ինչպես հայտնում է Reuters–ը՝ այս մասին հայտարարել է Գամբիայի արտաքին գործերի նախարարությունը:
Նախարարությունից նշել են, որ ևս 30 մարդ, ենթադրաբար, զոհվել է, երբ օգոստոսի 27–ի առավոտյան Մավրիտանիայի ափերի մոտ խորտակվել է Գամբիայից մեկնած նավը:
Նավակը, ենթադրաբար, շարժվել էր Գամբիայից: Նավի մեջ հիմնականում գամբիացիներ և սենեգալցիներ են եղել:
Նավակը տեղափոխելիս է եղել մոտ 150 ուղևորի, որոնցից 16-ը փրկվել է։ Մավրիտանիայի իշխանությունները 70 դի են հայտնաբերել: Ականատեսների վկայություններով՝ ավելի քան 100 մարդ կարող է մահացած լինել:
Ատլանտյան միգրացիոն ուղին՝ Արևմտյան Աֆրիկայի ափերից դեպի Կանարյան կղզիներ, որը սովորաբար օգտագործում են աֆրիկացի միգրանտները՝ փորձելով հասնել Իսպանիա, համարվում է աշխարհի ամենամահացուներից մեկը:
Բաժանորդագրվեք մեր ալիքին Telegram-ում