ԱԷՄԳ-ն մոնիտորինգ է անցկացրել Կուրսկի ԱԷԿ-ում, որտեղ ուկրաինական ԱԹՍ-ի ընկնելուց հրդեհ է բռնկվել

Ատոմային էներգիայի միջազգային գործակալությունը հայտարարել է, որ տեղյակ է ռազմագործողությունների հետևանքով Ռուսաստանի Կուրսկի ԱԷԿ-ում բռնկված հրդեհի վերաբերյալ մամուլի հաղորդագրություններին և հայտնել տեղում անցկացված մոնիտորինգի արդյունքները:

«Արմենպրես»-ի հաղորդմամբ՝ ԱԷՄԳ-ն այս մասին հայտարարություն է տարածել Х-ի միկրոբլոգում։ 

Ըստ կառույցի՝ մոնիտորինգը հաստատում է, որ Կուրսկի ԱԷԿ-ի մոտակայքում ճառագայթման մակարդակը նորմայի սահմանում է։

«Ռուսաստանը պնդել է, որ Կուրսկի ԱԷԿ-ում ռեակտորի հզորությունը նվազում է օժանդակ տրանսֆորմատորի վնասման պատճառով, սակայն հրդեհը մարել է, զոհեր չկան»,- ասված է հայտարարության մեջ:

IAEA monitoring confirms normal radiation levels near Kursk NPP; Russia says reactor unit’s power reduced due to auxiliary transformer damage but fire extinguished and no injuries. https://t.co/1BIr7V6fDa

— IAEA - International Atomic Energy Agency ⚛️ (@iaeaorg) August 24, 2025