Արարատ Միրզոյանն Անկախության օրվա առթիվ շնորհավորել է Էստոնիայի ԱԳ նախարարին

Հայաստանի Հանրապետության արտաքին գործերի նախարար Արարատ Միրզոյանը շնորհավորել է Էստոնիայի արտաքին գործերի նախարար Մարգուս Ցահքնային՝ Էստոնիայի Անկախության վերականգնման օրվա կապակցությամբ։ 

«Արմենպրես»-ի հաղորդմամբ՝ այս մասին ՀՀ ԱԳ նախարարը նշել է X-ի իր միկրոբլոգում կատարած գրառման մեջ։ 

I congratulate my dear colleague & friend @Tsahkna on Independence Restoration Day of #Estonia.

We know well the thorny path to freedom. In these challenging times we cherish independence & democracy as well as like-minded partnerships aimed at strengthening those ideals. 🇦🇲🤝🇪🇪 pic.twitter.com/DtRzZrW7Up

— Ararat Mirzoyan (@AraratMirzoyan) August 20, 2025

«Շնորհավորում եմ իմ սիրելի գործընկերոջը և ընկերոջը՝ Մարգուս Ցահքնային՝ Էստոնիայի անկախության վերականգնման օրվա կապակցությամբ։ 

Մենք լավ գիտենք ազատության փշոտ ճանապարհը։ Այս դժվարին ժամանակներում մենք գնահատում ենք անկախությունն ու ժողովրդավարությունը, ինչպես նաև այդ իդեալներն ամրապնդելուն ուղղված համախոհ գործընկերությունները»,-նշված է Միրզոյանի գրառման մեջ։ 

Էստոնիայի ԱԳ նախարարը մեկնաբանել է ՀՀ ԱԳ նախարարի գրառումը. «Շնորհակալ եմ բարի խոսքերի համար, հարգելի Արարատ Միրզոյան»,- գրել է Ցահքնան։