368.54
Կամչատկայի հարավային մասը գրեթե 2 մետրով տեղաշարժվել է երկրաշարժից հետո
1 րոպեի ընթերցում
Կամչատկա թերակղզու հարավային մասը գրեթե 2 մետրով տեղաշարժվել է դեպի հարավ-արևելք հուլիսի 30-ին տեղի ունեցած ուժգին երկրաշարժից հետո: Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին հայտնել է Ռուսաստանի Գիտությունների ակադեմիայի Միասնական երկրաֆիզիկական ծառայության դաշնային հետազոտական կենտրոնի Կամչատկայի մասնաճյուղը:
Կատարվել է նախնական հաշվարկ այն տվյալների հիման վրա, որոնք ստացվել են գեոդինամիկական հետազոտությունների արդյունքում: Պարզվել է, որ Կամչատկան տեղաշարժվել է հարավ-արևելքի ուղղությամբ:
Հուլիսի 30-ին տեղի ունեցած երկրաշարժի հետևանքով գետնի ամենամեծ տեղաշարժերը գրանցվել են թերակղզու հարավային մասում: Այդ վայրում դրանք հասել են գրեթե 2 մետրի, ինչը կարելի է համեմատել այն հորիզոնական տեղաշարժերի հետ, որոնք տեղի են ունեցել 2011 թվականի երկրաշարժից հետո Ճապոնիայի Տոհոկուի տարածաշրջանում, ասվում է հաղորդագրության մեջ:
Բաժանորդագրվեք մեր ալիքին Telegram-ում