368.54
Վարդենիսում անցկացվել է շախմատի 1-ին կարգի որակավորման Գեղարքունիքի մարզային մրցաշար
1 րոպեի ընթերցում
Գեղարքունիքի մարզի Վարդենիս քաղաքում վերջերս անցկացվեց շախմատի 1-ին կարգի որակավորման մարզային փուլը, որին մասնակցեցին ՀՀ Շախմատի ակադեմիայի Վարդենիսի, Վարդենիկի, Գավառի, Սևանի և Ճամբարակի մասնաճյուղերի պատանի շախմատիստները։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի ԿՄՍ վարչությունից, համառ ու անզիջում պայքարում մրցաշարում առաջին տեղը զբաղեցրել է ՀՀ Շախմատի ակադեմիայի մասնաճյուղի սան Արտյոմ Գրիգորյանը։ Երկրորդ տեղը զբաղեցրել է նույն մասնաճյուղի սան Հարութ Մխիթարյանը։ Մրցանակային երրորդ տեղը բաժին է հասել ՀՀ Շախմատի ակադեմիայի Գավառի մասնաճյուղի սան Ատոմ Գրիգորյանին։
«Լավագույն խաղ» մրցանակին արժանացել են ՀՀ Շախմատի ակադեմիայի Վարդենիսի մասնաճյուղի սան Տիգրան Ոսկանյանը, Սարուխանի մասնաճյուղի սան Վաչե Ավդալյանը և Վարդենիկի մասնաճյուղի սան Գագիկ Մխիթարյանը։
Բաժանորդագրվեք մեր ալիքին Telegram-ում