Երևանը բարձր է գնահատում Բեռնի հետ հարաբերությունները. ԱԳՆ-ն շնորհավորել է Շվեյցարիայի Ազգային օրը

Հայաստանի Հանրապետության արտաքին գործերի նախարարությունը շնորհավորել է Շվեյցարիայի ժողովրդին Ազգային օրվա կապակցությամբ՝ ընդգծելով, որ Երևանը բարձր է գնահատում Բեռնի հետ երկկողմ ու բազմակողմ հարաբերությունները։ 

«Արմենպրես»-ի հաղորդմամբ՝ այս մասին ԱԳ նախարարությունը նշել է X-ի միկրոբլոգում արված գրառման մեջ։

«Մեր ջերմ շնորհավորանքներն ու լավագույն մաղթանքներն ենք հղում Շվեյցարիայի ժողովրդին՝ Ազգային օրվա կապակցությամբ։ Հայաստանը բարձր է գնահատում Հայաստան-Շվեյցարիա հարաբերությունների շարունակական զարգացումը ինչպես երկկողմ, այնպես էլ բազմակողմ ձևաչափերով, այդ թվում՝ ԵԱՀԿ-ում Շվեյցարիայի առաջիկա նախագահության շրջանակներում»,-ասված է ԱԳ նախարարության գրառման մեջ։ 

Warm congratulations & best wishes to the people of #Switzerland on the occasion of #NationalDay. #Armenia highly values the continued development of 🇦🇲-🇨🇭relations, both bilaterally & multilaterally, including within the framework of the upcoming🇨🇭Chairmanship of the #OSCE. pic.twitter.com/y6VdOXuhvp

— MFA of Armenia🇦🇲 (@MFAofArmenia) August 1, 2025