Պապիկյանը շնորհավորել է իր գործընկերոջը Չինաստանի Ժողովրդական ազատագրական բանակի կազմավորման 98-րդ տարեդարձի առթիվ
1 րոպեի ընթերցում
Հայաստանի Հանրապետության պաշտպանության նախարար Սուրեն Պապիկյանը շնորհավորել է Չինաստանի Ժողովրդական Հանրապետության պաշտպանության նախարար, ծովակալ Դուն Ցզյունին՝ Չինաստանի Ժողովրդական ազատագրական բանակի կազմավորման 98-րդ տարեդարձի կապակցությամբ։
«Արմենպրես»-ի հաղորդմամբ՝ այս մասին Սուրեն Պապիկյանը նշել է X- իր միկրոբլոգում կատարած գրառման մեջ։
«Իմ ջերմ շնորհավորանքներն եմ հղում Ձեզ և Չինաստանի Ժողովրդական Հանրապետության ժողովրդական ազատագրական բանակին՝ կազմավորման 98-րդ տարեդարձի կապակցությամբ: Վստահ եմ, որ պաշտպանության ոլորտում Հայաստանի ու Չինաստանի միջև հաստատված գործընկերության մթնոլորտը կշարունակի ծառայել մեր երկու երկրների ընդհանուր շահերին»,- գրել է ՀՀ պաշտպանության նախարարը։