Մրցակցության պաշտպանության հանձնաժողովը պարզաբանում է՝ արդյոք «Էկոկաթ»-ը և «Բիոկաթ»-ն ունեն օրգանական սերտիֆիկատ
1 րոպեի ընթերցում
Մրցակցության պաշտպանության հանձնաժողովը վերջերս վարույթներ է հարուցել կաթնամթերքի շուկայում ապրանքների տուփերի կամ փաթեթվածքների վրա «էկո», «բիո» բառերով մակնշումների առնչությամբ: Շուկայում, սակայն, շարունակում է վաճառվել «Էկոկաթ» և «Բիոկաթ» անվանումներով կաթնամթերքի տեսականին: Խնդրի առնչությամբ «Արմենպրես»-ը պարզաբանում է խնդրել Մրցակցության պաշտպանության հանձնաժողովի մամուլի քարտուղար Անի Սմբատյանից՝ ճշտելու, արդյոք ընկերություններն ունեն օրգանական սերտիֆիկատ:
Ի պատասխան հարցին, ՄՊՀ մամուլի քարտուղարը նշեց, որ «Էկոկաթ» անվանումը պարունակող ապրանքների մասով Հանձնաժողովում առկա են որոշակի տվյալներ, իսկ մյուս ընկերության մասով ուսումնասիրություն կիրականացվի: