1 րոպեի ընթերցում
Ռուսաստանի Ամուրի մարզում անհետացած ուղևորատար An-24 ինքնաթիռը հայտնաբերվել է կործանված։ «Արմենպրես»-ի փոխանցմամբ, այս մասին ՏԱՍՍ-ին հայտնել են Ռուսաստանի արտակարգ իրավիճակների նախարարությունից։
«Որոնողական աշխատանքների արդյունքում Ռոսավիացիայի Ми-8 ուղղաթիռը հայտնաբերել է ինքնաթիռի կմախքը, այն այրվում է։ Փրկարարները գնում են դեպքի վայր»,- հայտնել են գերատեսչությունից։ Փրկվածների մասին տեղեկություններ այս պահին չկան։
An-24 ինքնաթիռը շարժվում էր Խաբարովսկ-Բլագովեշենսկ-Տինդա երթուղով։
Ինքնաթիռի հետ կապը կորել էր այն բանից հետո, ինչ օդանավն առաջին անգամից չէր կարողացել վայրէջք կատարել Տինդայում ու փորձել էր երկրորդ պտույտն անել։ Reuters-ը հայտնում է, որ ինքնաթիռը պատկանում է Սիբիրում գործող «Անգարա» ավիաընկերությանը։
Հաղորդվում է, որ ինքնաթիռում եղել է շուրջ 50 մարդ։