ՀՀ ԿԳՄՍ նախարարը պաշտոնական այց կկատարի Հունաստան

ՀՀ կրթության, գիտության, մշակույթի և սպորտի նախարար Ժաննա Անդրեասյանը հուլիսի 21-24-ը պաշտոնական այցով կգտնվի Հունաստանում:

«Արմենպրես»-ի հաղորդմամբ՝ նախարարին գործուղելու մասին որոշումը հուլիսի 8-ին կայացրել է ՀՀ վարչապետ Նիկոլ Փաշինյանը:

«Հայաստանի Հանրապետության կրթության, գիտության, մշակույթի և սպորտի նախարար Ժաննա Անդրեասյանին պաշտոնական այցով՝ 2025 թվականի հուլիսի 21-24-ը գործուղել Հունաստանի Հանրապետություն (Աթենք)»,- ասվում է որոշման մեջ: Այն հրապարակվել է ՀՀ էլեկտրոնային կառավարման կայքում: