ՀՀ ԱԳՆ-ն ցավակցել է ԱՄՆ Տեխաս նահանգում ավերիչ ջրհեղեղի զոհերի ընտանիքներին

ՀՀ արտաքին գործերի նախարարությունը խորին ցավակցություն է հայտնել ԱՄՆ Տեխաս նահանգում ավերիչ ջրհեղեղի զոհերի ընտանիքներին և բոլոր տուժածներին։ «Արմենպրես»-ի հաղորդմամբ՝ ՀՀ ԱԳՆ-ն ուղերձը հրապարակել է X-ի իր միկրոբլոգում։

«Խորապես վշտացած ենք Տեխասում տեղի ունեցած ավերիչ ջրհեղեղի լուրից, որը բազմաթիվ կյանքեր է խլել։  Մեր խորին ցավակցությունն ենք հայտնում զոհերի ընտանիքներին և բոլոր տուժածներին: Մենք հույս ենք հայտնում, որ նրանք, ովքեր համարվում են անհայտ կորած, բարեհաջող կապաքինվեն»,- ասվում է ԱԳՆ ուղերձում։

Ըստ NBC News-ի, Տեխասի Քեր շրջանում ջրհեղեղի զոհերի թիվը հասել է 51-ի։

Deeply saddened to learn about the devastating floods in Texas, claiming numerous lives. We extend our deepest condolences to the families of the victims & all those affected. We hope for the safe recovery of those still missing. #TexasFloods @StateDept

— MFA of Armenia🇦🇲 (@MFAofArmenia) July 6, 2025