Արարատ Միրզոյանը հաջողություններ է մաղթել Եվրոպական խորհրդում նախագահությունը ստանձնող Դանիային

ՀՀ արտաքին գործերի նախարար Արարատ Միրզոյանը հաջողություններ է մաղթել Դանիայի ԱԳ նախարար Լարս Լոկե Ռասմուսենին՝ Դանիայի՝ Եվրոպական խորհրդում նախագահությունը ստանձնելու առթիվ։

«Արմենպրես»-ի հաղորդմամբ՝ Միրզոյանն X հարթակում գրել է. «Հաջողություններ եմ մաղթում իմ գործընկերոջը՝ Դանիայի արտաքին գործերի նախարար Լարս Լոկե Ռասմուսենին ԵՄ 2025-ի ընթացքում՝ անհամբեր սպասելով մեր նոր հանդիպումներին՝ թե՛ երկկողմանի, թե՛ Հայաստան-ԵՄ գործընկերության շրջանակում»։

I wish all the success to my 🇩🇰counterpart @larsloekke during @eu2025dk, looking forward to our new engagements both bilaterally & within 🇦🇲-🇪🇺 partnership. https://t.co/MJ3zmsVooQ pic.twitter.com/Mk1alM1mhe

— Ararat Mirzoyan (@AraratMirzoyan) July 2, 2025

Եվրոպական խորհուրդը հունիսի 30-ին տարածված գրառման մեջ նշել է․ «Վեց զբաղված և հուզիչ ամիսներից հետո ժամանակն է հրաժեշտ տալ Խորհրդում լեհական նախագահությանը։ Շնորհակալություն ձեր ամբողջ աշխատանքի համար։ Հուլիսի 1-ին մենք ասում ենք բարև Դանիային»։