1 րոպեի ընթերցում
«Զվարթնոց» օդանավակայանում ձերբակալվել է Ուկրաինայի իրավապահների կողմից հետախուզվող 59-ամյա տղամարդ: «Արմենպրես»-ն այս մասին տեղեկանում է ՀՀ ՆԳ նախարարության տարածած հաղորդագրությունից:
«Օտարերկրյա քաղաքացին ձերբակալվել և բաժին է տարվել: Նա մայիսի 30-ից Ուկրաինայի Հանրապետության իրավապահների կողմից հետախուզվում էր ուրիշի ունեցվածքին ապօրինաբար տիրանալու մեղադրանքով. խափանման միջոցը՝ կալանք»,- նշված է հաղորդագրության մեջ:
Հետախուզվողի հայտնաբերման մասին հայտնվել է ՀՀ-ում Ինտերպոլի ԱԿԲ և դատախազությանը։